HALOS HINDI makagalaw si Ayah sa kaniyang kinatatayuan nang tumambad sa kaniyang paningin ang napakakisig na si Prix.
Kung totoo lamang ang fairy tale? Halos maihalintulad niya si Prix sa isang real-life Prince Charming.
Hayon na naman ang nakaka-intimidate nitong personalidad ngayon.
Napatitig din sa kaniya si Prix. Nagbawi lang ito ng tingin nang muling magsalita si Prince.
“Sir, bakit po kayo narito?” nasisiyahan pang tanong ni Prince kay Prix.
Napatingin si Ayah sa kaniyang anak na gusto niyang ilayo kay Prix ng mga sandaling iyon ngunit hindi niya magawa dahil daig pa niya ang ipinako sa kaniyang kinatatayuan sa pagkabigla dahil naroon ang binata. At ang mas malala? Kilala ng kaniyang anak si Prix. Paano iyon nangyari?
“K-kilala mo siya, Prince?” kandautal pang tanong ni Ayah sa
