“NAKITA MO na ba itong photo album noong kasal ninyo ni Karzon?”
Agad na umiling si Tanya sa sinabing iyon ng kaniyang ina. Tumayo siya at lumapit dito para makita ang album na hawak nito.
“Nakalimutan ko namang ulitin sa iyo noong huling punta mo rito na napa-develop na ‘yong mga larawan ninyo noon. Sige na, tingnan mo. Baka gusto mong iuwi na rin sa Pagbilao.”
“Sige po,” aniya na matamis pang nginitian ang kaniyang ina. Bumalik si Tanya sa pagkakaupo sa may gilid ng kaniyang kama.
Pababa na rin naman siya at sa baba na lang ng kanilang bahay maghihintay sa pagdating ni Karzon nang pumasok naman ang kaniyang ina sa silid niya. Hindi rin naman ito nagtagal at lumabas din.
Nangingiti pa siya nang mapagmasdan ang kaniyang asawa na ubod ng seryoso. Wala man lang siyang nakitang larawan n
