MATAMANG pinagmasdan ni Sephany si Thaddeus. Naglakad-lakad kasi silang dalawa nang hapong iyon kaya silang dalawa ay nasa labas ng bahay.
At ng mga sandaling iyon ay nakasandal ang kaniyang asawa sa katawan ng isang malaking puno.
“What if, matulog ka na, Thaddeus? You look so sleepy,” hindi niya napigilang sabihin dito.
“Ano ba ang sinabi ko sa iyo kanina? Sabay tayong matutulog mamayang gabi.”
“Pero antok ka na. Nilalabanan mo lang. Paano kung mamaya, bumulagta ka na lang diyan? Hindi naman kita kayang buhatin pabalik sa bahay. Ano’ng gusto mo, magsisigaw ako rito para humingi ng tulong? Maigi sana kung may makakarinig agad sa akin.”
“I’m fine. Kung babalik tayo agad sa bahay, baka lalo lang akong antukin.”
“Eh, dito pa nga lang, parang babagsak na ang mga mata mo.” Hinawakan niya
