“AYAW ko nga sabi, eh. Bakit ba ang ipinipilit mo?” hindi napigilang singhal ni Ayah kay Prix nang igiit nito sa kaniya ang dala nitong pagkain.
“Sweetie, hindi mo naman kailangang magtaas ng boses kung ayaw mo,” ani Prix sa kalmado lang nitong boses. “Akala ko kasi ay na-miss mo rin itong nilabong kamote kaya dinalhan kita rito. Nagpaluto kasi ako sa chef natin.”
“Ayaw ko,” aniya na tinalikuran na ito at naglakad papunta sa kinaroroonan ng banyo.
Naiwang may pagtataka kay Prix dahil sa biglaang pagsama ng timplada niya. Lalo na ang pagtataas ng boses niya na talagang ikinagulat nito.
Nang makarating si Ayah sa loob ng banyo ay tila ba saka lang niya na-realize ang pagtataas niya ng boses kay Prix.
Napalunok siya. Muli siyang humarap sa pinto at akmang bubuksan iyon nang muli niyang i
