BAGO PA magbago ang isip ni Thaddeus ay naupo na si Sephany sa silya na tinutukoy nito.
Iniwasan ni Sephany ang tingnan si Thaddeus habang sumisimsim ng kape sa tasa nito. In reality, kahit naman siya ay ayaw niya na pinanonood siya habang kumakain o umiinom ng paborito niyang kape. Hindi rin naman siya iyong tipo ng palatitig nang matagal sa isang tao.
Pinagmasdan na lamang niya ang kaniyang mga kuko. At kung bakit si Thaddeus agad ang naisip niya. Siguro dahil sa pamumuna nito sa kaniyang kuko na pinagdududahan pa nito na hindi talaga iyon fake nails.
Siguro ay dahil mukhang totoo naman talagang kuko ang mga kuko niya sa kaniyang daliri.
“Hindi ka ba pinagagalitan ng boss mo dahil sa mga kuko mong mahahaba?”
Naibaba ni Sephany sa kaniyang kandungan ang mga kamay. Pagkuwan ay nag-ang
