KULANG na lamang ay halos talunin ni Thaddeus ang pagbaba sa sasakyan nang makarating siya sa Sephany Hotel. Dahil hindi niya kayang mag-drive kaya pina-drive niya sa iba ang kaniyang kotse papunta sa hotel ni Sephany.
Piping hiling niya na sana ay hindi naiisipan ni Sephany na umalis ng hotel nito.
“Where’s Sephany?” agad niyang tanong sa sekretarya ni Sephany nang makarating siya sa kinaroroonan ng opisina nito. Habol pa niya ang kaniyang paghinga dahil sa pagtakbo.
Napatayo si Joan nang makita siya. Bahagyang namumula ang mga mata nito.
“Ano’ng ginagawa ninyo rito?” tanong nito na may kasamang puot sa tinig.
“Sagutin mo muna ‘yong tanong ko, Joan. Nasaan si Sephany? Nasa suite ba niya?” umakma siyang hahayunin ang papunta sa suite ni Sephany nang mabilis siyang pigilan ni Joan sa k
