MAYA’T MAYA kung sulyapan ni Sephany ang telepono. Naghihintay siya na tawagan siya ni Thaddeus ngunit ni hindi naman nito ginagawa.
Tumiim ang labi ni Sephany. Nagbigay siya rito ng kaniyang telephone number ngunit ni-ha ni-ho ay wala man lamang siyang naririnig mula rito. Kahit pangangamusta na labas sa ilong ay wala.
Isinandal ni Sephany ang kaniyang likuran sa kaniyang kinauupuang swivel chair.
“Baka naman sobrang busy niya,” anas pa niya.
Napabuntong-hininga siya. Kapag kuwan ay sinikap i-focus ang kaniyang atensiyon sa kaniyang ginagawa sa kaniyang opisina.
Ayaw naman niya na walang gagawin kaya pinili niyang bumalik na sa trabaho. Isa pa, ayaw na ayaw rin niya iyong pakiramdam na nasa loob lang siya ng kaniyang silid tulugan. Para bang lalo siyang magkakasakit. Iba ang pakiram
