BAKIT SA LAHAT NG GUEST sa kaniyang pag-aaring hotel ay kakaiba ang impact kay Sephany ni Thaddeus Ballmer? Oo, nakakainis ito. Nakakainis to the point na hindi ito mawala sa isip niya.
At mas lalo niyang kinaiinisan ang bagay na iyon.
“Madam Sephany, may bago na po tayong prospect. Nasa room 1205 po.”
Nagsalubong ang mga kilay ni Sephany sa kaniyang narinig mula kay Windy. “1205?” paninigurado pa niya.
Karatig lang iyon ng suite ni Thaddeus.
“Yes po, Madam. Gusto po ba ninyong i-check muna?”
“Ano’ng pangalan niya?”
“Danriv Ravani. Twenty-nine years old na po siya.”
“Okay. Pupuntahan ko siya ngayon.”
“Sige po.”
Saka siya magsasagawa ng background check kapag nakita na niya ang lalaking tinutukoy ni Windy na bagong prospect.
Muli ay nagpalit si Sephany ng chambermaid uniform. Wal
