NAPAHINTO SA paglalakad ang mag-asawang Consunji nang makasalubong si Karzon sa isang pasilyo.
“Hindi pa tapos ang party. Aalis na agad kayo?” kaswal pang tanong ni Karzon sa mag-asawa.
Panay ang hinga nang malalim ni Constanscia, ang asawa ni Trivorcio Consunji. Ang lalaking dahilan kung bakit sa isang iglap ay nawala ang lahat sa pamilya ni Ayah.
Pinigil ni Karzon ang kaniyang sarili na maging matalim ang tingin sa kaharap na lalaki.
“I’m sorry to say this, Mr. Montejero, pero tingin ko, baliw ang pamangkin mo para patulan ang babaeng wala namang ipagmamalaki ang pamilya,” mariing wika ni Trivorcio.
At hindi pa talaga ito tumitigil sa kabaliwan nito at paninira sa pamilya ni Ayah?
“Ganyan lang ba ang basehan ninyo pagdating sa pagpili ng babaeng pakakasalan?” kaswal lang niyang tan
