“ANG DAMI mo namang kinuhang mga damit. Isusukat mo bang lahat ‘yan?” taka pang tanong ni Thaddeus nang makita nito ang mga damit na inilagay ni Sephany sa isang basket na nakapatong sa pushcart.
Nasa loob sila ng Department Store ng BL Mall. Nang araw kasi na iyon ay sumama siya kay Thaddeus sa Mall ng mga ito.
“Pinag-iisipan ko pa kung isusukat ko pa. Ka-size ko rin naman ang lahat ng kinuha ko kaya baka hindi na lang,” undecided pa niyang wika. “Aksaya pa sa oras kung isa-isa kong isusukat ang mga ito. Ang dami ng bagong labas na style ng mga damit ngayong taon. Mukhang kailangan ko na ring magpalit ng ibang mga damit ko sa closet ko. Don’t worry, pinamimigay ko naman ‘yong mga hindi ko na nagagamit sa mga employee ko kung gusto nila. Hindi naman sila choosy dahil puro branded naman l
