INILIBOT pa ni Prix ang tingin sa loob ng opisina ng kaniyang kapatid.
“Sino ang hinahanap mo, Kuya?” tanong pa sa kaniya ni Sephany na abala sa harap ng laptop nito.
“Wala yata rito si Prince?” usisa pa niya nang hindi makita ang bata na pakay.
Napangiti si Sephany sa kaniyang sinabi. “Ngayon naman ay hinahanap mo ang bata? Gusto mo na rin bang gumawa ng baby, Kuya Prix?” tudyo pa nito sa kaniya.
“Sephany, wala ako sa mood na makipagtalo sa iyo tungkol sa bagay na ‘yan. Pupunta ako ngayon sa Pagbilao. Sakay ako ng private helicopter ni Uncle.”
Tumayo si Sephany at iniwan ang ginagawa. “At ano’ng connect ni Prince sa pagpunta mo sa Pagbilao ngayon?”
“Baka kasi gusto niyang ma-experience na sumakay sa helicopter. Babalik din naman kami mamayang after lunch.”
“Wow, ha? Nakakatuwa nama
