TUNOG ng alarm, iyon ang nagpagising sa diwa ni Tanya mula sa mahimbing na pagkakatulog. Inabot ng kaniyang kamay ang alarm clock, na nasa may gilid ng kaniyang kama at pinatay ang alarm niyon.
Antok na antok pa rin ang kaniyang pakiramdam. Kaya naman mas pinili niya ang magpatuloy sa pagtulog.
Ngunit nang maalala ang kaniyang dapat gawin para sa araw na iyon ay wala na rin siyang nagawa pa kung ‘di ang bumangon.
Nag-inat siya ng kaniyang mga kamay. Pagkuwan ay humikab.
Pagkaligo ay nagbihis na rin siya. Napabuga na naman ng hangin sa bibig si Tanya dahil ramdam niya ang paninikip ng kaniyang mga pantalon sa kaniya. Siguro ay tumataba na siya dahil wala siyang ginawa kung ‘di ang kumain at matulog lang kapag walang inaasikaso.
Hindi na rin siya nakakapag-ehersisyo pa kaya naman siguro
