“BAKIT KAYA HINDI ikaw ang maunang mag-asawa sa ating dalawa? Lipas na lipas na ang edad mo sa kalendaryo. Mag-asawa ka muna bago ako. Promise, once nag-asawa ka, the following year, mag-aasawa na rin ako. Tutal, bawal ang sukob sa kasal…”
At bakit din ba nasabi-sabi pa ni Sephany ang mga salitang iyon sa kaniyang Kuya Prix?
Ramdam na ramdam tuloy niya ang pressure simula nang pormal nitong ipakilala sa buong pamilya nila si Ayah, ang babaeng pinakamamahal pala nito.
Hindi niya lubos akalain na siya pa pala ang magiging daan upang magkita ulit ang dalawa. Masaya naman siya sa part na iyon dahil nagkabalikan ang dalawa na matagal na nagkahiwalay.
Sa nakalipas na ilang buwan, daig pa ni Sephany ang animo nasa isang roller coaster ride sa daming ganap. Naikasal na rin ang kaniyang Kuya Pr
