“OH, MY GOD! I’m crying here. Tapos… tapos pina-prank lang pala ninyo si Kuya?” tungayaw ni Sephany na nasa penthouse na pala. Hindi lang makalapit at na-stock na sa kinatatayuan nito, sa hindi kalayuan sa may salas, dahil sa intense na usapang iyon ng pamilya nito. Pinahid nito ng kamay ang mga luhang sunod-sunod na naglandasan sa pisngi nito bago tumakbo palapit sa Kuya Prix nito at mahigpit ding nakiyakap.
Kinagat ni Ayah ang ibabang bahagi ng kaniyang labi. Hindi siya makapaniwala na gino-good time lang sila ni Prix ng buong pamilya nito. Pero sana nga pang-go-goodtime lang ang lahat ng iyon sa kanila. Dahil sobrang sakit na hindi siya tanggap ng buong pamilya ni Prix para dito.
Maging si Prix ay lalong napaluha.
“Mom, Dad, I love her a lot. Kaya please lang po—”
“Prixton, anak,” a
