"Ang saya mo naman yata," tanong sa akin ni Camilla ng tawagin niya ako para magpatingin sa doktor ngayong umaga. Wala na talaga akong maitatago pa sa kanilang magkapatid dahil hindi ko kayang dayain at itago ang anak ko.
Ngumiti ako sa kanya at hinawakan ang aking tiyan. Hindi pa rin ako makapaniwala na may isang buhay sa loob ko. Mabuti na lang ay hindi nagkaroon ng bunga ang ginawang kahayuapan sa akin ni Dexx noon kung hindi ay baka makitil ko ng tuluyan ang buhay ko.
"Kinakabahan ako," sagot ko sa kanya at lumapit siya sa akin at niyakap ako. HInawakan niya rin ang magkabila kong balikat para palakasin ang loob ko.
"Ganyan rin ako nung una, di ka makapaniwala?" tanong niya sa akin at tumango ako. Siguro ay ganto rin ang nararamdaman na saya ni Camilla ng nagkaanak sila ni Dexx pe
