Chapter 78
Tingin ko ay para akong tanga dahil pagkatapos kong sabihin na hindi ko na siya gustong makita kahit kailan ay bigla na lang akong tumakbo at hinanap siya, nagbabaka sakaling hindi pa siya nakakaalis ng tuluyan. Pagkatapos ng ilang linggong pagpipigil ay mapapatawad ko pa rin siya nang ganoon na lang. Pagkatapos ng ilang linggong pagmamatigas ay lalambot din pala ako. Pagkatapos ng ilang linggo ay heto ako't binigyan pa rin siya ng panibagong pagkakataon. Ibig lamang sabihin niyon ay mas matimbang ang pagmamahal ko kay Khazer kaysa sa galit na nararamdaman ko sa kaniya.
Napagtanto ko ring ang sakit pala sa dibdib kapag gumawa ng desisyong lumayo sa taong mahal kahit labag sa kalooban. I've been fighting the urge to hug him back in our condo. Kahit gusto kong sabihan siya na n
