Alam kong ayaw n'ya akong mawala rin sa kanya. Nakikita kong sinusubukan n'yang baguhin ang ugali n'ya. Nag-e-effort na rin s'ya.
Pero may times na nakikita ko na lang itong tulala o kaya ay umiiyak. Madalas na pareho kaming nagigising sa kalagitnaan ng gabi dahil lang sa masasamang panaginip nito.
Ako na lang 'yong pinapasok n'ya sa buhay n'ya. 'Yong magulang n'ya ay halos hindi nga n'ya hinaharap.
Kapag bumibisita ang mga kasamahan n'ya sa organization ay hindi naman n'ya hinaharap or kung harapin man n'ya ay tungkol lang sa trabaho ang topic.
"Victoria..." malambing ang tinig na ani ko rito. Kasunod itong nasa balcony at tulala na naman. Pilit naman itong ngumiti nang makita ako. Agad akong sumiksik sa sofa bed na naging paborito nitong higaan simula ng dito na ito tumira sa bah
