Matapos kong kumain ay pumasok akong muli sa silid at muling nahiga. Naramdaman ko na naman ang pamimigat ng katawan ko at pag-iinit ng pakiramdam ko. Medyo nahihirapan din ako sa paghinga dahil sa sipon.
Sakto namang paghiga ko ay narinig ko ang pagbukas ng pinto sa sala. Kaagad din akong bumangon at bababa na sana ng katre nang pumasok na dito sa loob ng silid si Ace.
Kaagad siyang lumapit sa akin at hinawakan ang leeg at noo ko. Nang masapo niya ang init ko ay lumuhod siya sa harapan ko at hinawakan ang dalawa kong kamay. Lumarawan sa mukha niya ang pag-aalala.
"Nag-breakfast ka na ba? Have you taken your medicine? How are you feeling? Kaya mo ba? If not, I'll take you to the hospital right now," sunod-sunod niyang tanong at bakas ang pagpa-panic sa hitsura niya.
Kaagad naman akong
