Nakarating kami sa isang luma at maliit lang na apartment.
Pansin ko ang maya't-maya niyang pagbuntong-hininga ng malalim. Binuksan na niya ang pinto at ipinasok ako sa loob. Ini-upo niya ako sa isang mahaba at plastic lang na upuan bago umalis at pumasok sa isang pinto na sa tingin ko ay silid.
Luminga ako sa paligid.
Wala namang halos gamit ang apartment na ito. Mayroong t.v na sa tingin ko ay 14 inches lang ang sukat. May mesang maliit lang na malapit sa lababo at may dalawang stool na magkasaklob sa ilalim ng mesa. May natanaw din ako doong ilang bote ng alak.
May pitchel, termos at tasang pinagkapehan sa ibabaw ng mesa. May supot pa ng pandesal.
Walang refrigerator pero may lutuan naman na single burner. May blue galloon na lagayan ng mineral water. May maliit na lagayan ng mga
