PAGMULAT ng mata ay siya agad ang aking nakita. Natulog ako na mukha ni Caleb ang huli kong nasilayan. Ngayon, siya pa din at tinupad niya ang pangako niya sa akin. Bumaba ang tingin ko sa kamay kong mahigpit niyang hawak. Hinaplos ang puso ko sa namulatan.
Itong pagsubok na 'to ang mas nagpatunay na hanggang sa magkasakit ako ay mamahalin at aalagaan pa din niya ako. Mahal na mahal ako ni Caleb. Simula umpisa na naging kami. Inintindi niya ako. Hanggang sa dumating si Nolan. Kahit gusto niya na akong pakasalan nanatili pa din siya sa tabi ko at pilit na inintindi lahat ng rason ko.
Napasinghot ako at iyon ang nagpagising sa kanya. Dahan-dahan itong nagmulat ng mata at napa-upo ng maayos ng makita niyang gising na ako.
"How are you feeling?" bungad niya agad sa akin. Mabilis nitong dina
