INANTAY namin ang parents niya at nakiusap si Caleb sa Doctor na mamaya na magsimula. Kabado ako at mas lumalala ata iyon ng dahil sa magulang niya. Suot ko ang patient's gown habang naka-upo at nag-aantay na dumating si Caleb kasama ang magulang nito.
"Baby..." tawag ni Caleb sa akin sa maliit na hiwang ng pinto.
Napa-upo ako ng tuwid at tumindi ang kalabog ng aking dibdib. Sumilip muna siya sa labas at mukhang nahulaan ko na andiyan na nga ang magulang niya. Tumayo ako.
"They're here..." namamaos niyang sabi.
Bakas sa mga mata ni Caleb ang pamumula niyon. Inabot niya ang kamay ko at niluwagan ang bukas ng pinto. Pinagpapawisan ako sa kaba at mas tumindi pa ng makita ko ang Mommy niya na nakatingin sa amin at walang ekspresyon ang mukha. Katulad pa din siya ng dati. Simple lang
