INAAMIN ko na dumating sa punto na na-stress at na-depressed ako dahil sa nalaman. Para bang hirap akong tanggapin na may sakit ako. Na sa dinami-dami ng tao sa mundo bakit ako pa at iyong wala pang lunas kundi pain reliever lang or surgery pero babalik din naman. Takot na takot ako para sa sarili at para sa pamilya ko. Lalo na kay Nolan.
Maging si Caleb ay apektado din. Katulad ko ay natatakot din siya pero ayaw niyang ipakita sa akin. Pilit niyang ina-uplift ang aking mood pero hirap talaga ako sa ngayon. Palagi ng umaatake ang sakit. Kaunting suklay sa buhok mananakit agad ang aking mukha kaya dapat naka-ready ang gamot ko at bitbit kahit saan ako magpunta. Sa sumunod na araw ko pa nga nasabi iyon kay Mama. Nabanggit na din niya kay Aloe at lahat sila pareho ng opinyon ni Caleb. Ang m
