TININGALA ko si Caleb. Wala pang ilang minutong pananatili dito sa loob ng office niya ay pinatatawag na siya para sa client meeting. Napanguso ako. Hindi ko alam anong gagawin ko dito sa loob ng office niya mag-isa. Kinakabahan din ako.
"I'll be quick. You can eat or roam around," sabi nito.
Napapikit ako ng hinalikan niya ako sa noo. Tinitigan niya ako at hinimas ang ibabang labi ko bago dampian ng matamis na halik. Tahimik ko lang siyang sinundan ng tingin palabas sa opisina nito. Nang masara ang pinto ay sinulyapan ko ang pagkain na nilapag ni Caleb sa lamesa. Hindi pa ako nagugutom kaya minabuti kong tumayo na lang muna at tumingin-tingin sa paligid. Inumpisahan ko sa mga pictures nitong naka-display sa ibabaw ng glass cabinet.
Napangiti ako sa lumang picture ni Caleb nakasuot ng
