“All those days watching from the windows. All those years outside looking in. All that time never even knowing. Just how blind I've been, now I'm here blinking in the starlight.”
Hindi ko mapigilan ang hindi mapangiti habang pinakikinggan ang pagkanta ni Chantal na sinasabayan ang kasalukuyang nagpi-play na tugtog. Kung hindi ako nagkakamali ay soundtrack ito ng isang sikat na Disney movie. Tangled yata ang pamagat ng palabas na iyon kung saan iyong bidang babae ay may mahabang buhok at nakakulong sa isang tore.
I could somehow relate to her. Sa ibang pagkakataon ay mayroon kaming pagkakaparehas. Simula rin noong bata pa ako ay nasa loob lang ako ng kuwarto gaya niya. Iyon nga lang sa parte ko, hindi naman ginusto ni ina na ganoon ang mangyari sa akin. Sadyang wala lang siy
