"Ha?" maang na sabi ko habang kunot ang noong nakatingin ako sa Tito ni Sol. Hindi ko alam kung narinig ba niya ang sinabi ko dahil sa lakas ng tugtog sa paligid. Pero tingin ko naman kita niya ang reaksyon sa mukha ko dahil natatamaan naman kami ng ilaw dito kung saan kami nakatayo.
Bale kami na lang dalawa ang parang outsider dito sa gitna ng dance floor. Iyong mga taong kasama namin dito sa gitna ay nagsimula ng umindayog sa saliw ng musika. Sweet na sweet na magkakalapat ang katawan ng mga magkakapareha habang mabagal na sumasayaw.
Napatingin tuloy ako sa paligid at sinuyod ito kung makakaagaw ba kami ng atensyon o hindi. Nakita ko na tila wala naman dahil kung hindi abala sa pagkain ang iba, ang iba naman ay abala sa pakikipag-usap sa kanilang kakilala.
Nakahinga ako ng maluwag lal
