Tiim-bagang na nag-aabang ako sa pagdating ng mga magulang ni Malaya. Kanina pa ako rito sa office ko at hindi ko alam kung sinabi ba niya ang mensahe ko o hindi. Hindi ko alam kung sisipot ba sila o hindi para naman alam ko at makapasok pa ako sa huling klase ko. Pero sige naman ang sagot niya kaya umaasa ako na pupunta sila.
Hindi ko naman sasabihin ang tungkol sa aming dalawa. This is not the right time to tell them hanggang hindi ko nalalaman ang puno't dulo ng lahat kung bakit iniiwasan ako ni Malaya. Alam kong mayroon siyang tinatago sa akin at dapat malaman ko iyon.
Pero ano ito? Pilit ko mang isipin ay hindi ko maisip kung ano. Kung ginugulo pa rin siya ng sorority group ni Elvira dapat hindi na siya pumapasok dito sa Stallion University lalo na at hindi niya binigay ang video. A
