Napangiti s'ya habang nakatingin sa mga rosas na padala ng asawa sa kanya. Mula ng makalipat s'ya sa bagong opisina, napapadala ang pagpapadala ng mga bulaklak ni Gab sa kanya. Madalas nga sabihin ng mga katrabaho n'ya parang nasa ligawan stage pa daw silang mag-asawa. At ganoon din ang nararamdaman n'ya. Pakiramdam n'ya araw-araw sinusuyo s'ya ng asawa. Kaya naman lalo s'yang nahuhulog sa asawa.
Nalipat ang atensyon n'ya sa biglang pag ring ng telepono sa desk n'ya. Kaagad s'yang lumapit para sagutin ang telepono.
"Hello, Gomez Enterprise," sagot n'ya sa telepono.
"Sa wakas narinig ko rin ang boses mo," tinig ng boses sa kabilang linya.
Nanlaki ang mga mata n'ya at kumabog ang dibdib. Kilala n'ya ang tinig ng lalake sa kabilang linya. Si Glenn, hindi s'ya pwedeng magkamali. Ilang araw
