TOTO
Sabik kaming umuwi ngayong gabi dahil malaki ang maiuuwi naming pera kay ate. Ngayon lang ito nangyari kaya halos hindi matanggal ang ngiti sa aming mukha. "Paniguradong magiging proud sa atin si ate. Ngayon lang ako nakahawak ng dalawang daan," masayang wika ni Pampam. Ginulo ko ang kaniyang buhok. "Kami ni kuya Toto ay proud din sa iyo," sabi ni Jekjek.
"Tama. Hindi ko inaasahan na mauubos mo iyong binebenta mong basahan," usal ko. Kahit na madilim, alam kong namumula ang pisngi ni Pampam. Sa aming apat, siya ang pinakamahiyain. Kaunting papuri lamang at magiging kulay kamatis na ang pisngi nito.
"Sinwerte lang ako ngayong araw. Mababait iyong mga tsuper ng jeep kaya bumili sila sa akin. Ano kayang ulam natin ngayon?" tanong ni Pampam.
Tumingala ako sa kalangitan dahil kahit wal
