CASSANDRA
Huff
Huff
Wala na ba sila? Napagod na ba sila sa pagtakbo? Kasi ako...
Kasi ako malapit nang bumigay ang mga binti ko. Hindi ko man na sila maramdaman ngayon pero iyong pagod, unti-unti nang umeepekto sa aking katawan.
Hindi ko na mabilang kung ilang minuto na akong tumatakbo. Ngayon pa lang akong magtatangkang lumingon at sana... Sana tumigil na sila. Sana nailigaw ko sila dahil gustong-gusto ko nang magpahinga.
Pagkalingon, wala akong nadatnan na tao sa aking likod. Inilibot ko ang aking mga mata ngunit wala akong nakitang nilalang.
Ligtas na ba ako? Wala na kaya sila?
Iyan ang mga tanong ko sa aking sarili. Lumunok ako ng laway habang dahan-dahang umaatras sa kakahuyan. Hindi ko alam kung nasaan na ako pero isa lang ang sigurado ako, malayo na ako sa Luneta.
"Mukhang
