SAPO-SAPO ni Cassandra ang kaniyang bibig. Hindi makagalaw ang kaniyang katawan dahil sa labis na takot na kanina pa nakayakap sa kaniya. Ayaw niyang makalikha ng anumang ingay kaya para siyang napulot sa kaniyang kinauupuan. Nababahala siya na baka makagawa ng ingay ang kaniyang paghinga o ang kaniyang puso sapagkat napakalas ng t***k nito.
Ayaw niyang mahuli, iyon ang nasa isip niya ngayon. May isa pa pala, ayaw niya rin na mahuli sina Bridget dahil paniguradong malalagay sila sa gulo kapag nakita sila ng grupo nina Larry.
Gusto niyang sumilip, alamin kung nasaan na ang mga taong naghahanap sa kaniya para alam niya kung kailan siya lilisan ng lungga. Ngunit hindi niya iyon magawa dahil masikip lang ang espasyo ng kaniyang pinagtataguan. Natatakot siya na kapag magtangka siyang gumawa n
