BILANG na lang sa daliri ang nalalabing araw bago sumapit ang kapaskuhan. Sa ilalim ng tulay iisa lamang ang mayroong magarbong palamuti sa labas at loob ng bahay at iyon ay pagmamay-ari ni Nora, tiyahin ni Toto. Dahil ito ang unang pagkakataon na palamutian ang paligid ng bahay, marami ang dumadayo pa para manood sa naggagandahang palamuti. Isa sa mga suki tuwing gabi ay ang magkakapatid na Tagubig.
"Sana may ganyan din tayo," bulong ni Pampam sa kuyang si Jekjek. Nakahawak ang kamay nito sa laylayan ng damit ng kapatid dahil takot siya kapag nasa gitna ng maraming tao. Hindi lang ang palamuti ang kaniyang pinagmamasdan, gayon na rin ang mga taong masayang tumitingin kasama ang kanilang pamilya.
"Wag ka nang mainggit Pampam. Pag umuwi si ate magpapalagay tayo ng maraming krismaslayt sa
