TOTO
Tuluyan na akong nawalan ng pag-asa na hanapin ang cellphone na ipinadala ni ate sa akin. Nalibot ko na ang bawat sulok ng bahay ngunit hindi ko pa rin ito mahagilap. Nagpunta ako kay tiya para humingi ng pabor para maipaalam kaagad kay ate ang nangyari at hindi na ito umasa pa na matatawagan ko siya. Isa pa, hihingi rin ako ng tawad dahil nawala ko kaagad ito at hindi na matandaan kung saan posible itong nawala.
"'Yan kasi ang sinasabi ko. Hindi na ako magtataka Toto. Kalalaki mong tao, burara ka. Hindi natin alam baka bawas sa sahod ng ate mo 'yung pinangbili ro'n tapos winala mo lang. Hay naku talaga! Sandali, hindi sinasagot ng ate mo ang tawag. Susubukan kong kausapin si Chabita na ipaabot sa ate mo para makausap mo," mahaba nitong lintanya.
Kahit naiinis, nagpasalamat pa rin
