PAGKATAPOS mawala ni Cassandra, matatag na nagpatuloy ang naiwan nitong mga kapatid upang makatulong sa plano ni Precious. Ngunit lingid sa kanilang kaalaman na ngayong araw rin mismo mangyayari ang plano ni Cassandra para sa kanila.
"Ikaw ba si Toto?" tanong ng babaeng may mahaba't itim na buhok. "Sino po sila?" nagtatakang tanong ni Toto.
Lumapit ang kaniyang mga kapatid upang makiusyoso ngunit nanatili lamang sila sa likod ng kanilang kuya. "Ako si Aki at naparito ako ngayon para mangyari ang bilin ng inyong ate sa akin."
Nang marinig ni Toto ang tinuran ng babae, hindi niya mapigilan ang sarili na tanungin ang dalaga kung may alam ito sa kinaroroonan ng kaniyang kapatid.
Nalungkot ang mukha ni Aki. "Paumanhin ngunit tanging tawag lamang mula sa kaniya na nagsasabing kunin ko muna k
