Umagang-umaga ay simalubong kaagad ng problema itong si Nora. Palibhasa'y natalo sa mahjong ng dalawang libo, ngayon ay namomroblema siya kung saan siya kukuha ng perang pambayad sa kaniyang kaibigan.
"Ikuha mo nga ako ng tubig at nai-stress na naman ako," ani 'ya sa anak na lalaki. Bago pa man ito kumilos, nauna nang gumalaw ang bibig ng kaniyang anak.
"Bakit ka pa kasi nagsusugal ma? Nakita mo nang ang hina-hina na nga ng benta ng tindahan natin tapos wala pang maayos na trabaho si papa, nagawa niyo pang mag-mahjong at mag-hueteng!" malutong na sernon ng kaniyang anak.
Sinamaan niya ito ng tingin dahil hindi niya nagustuhan ang tono ng pananalita nito. "Kanino mo minana 'yang ganyang tabas ng dila, ha! Ako pang pinagsasalitaan mo? Magulang ba kita, ha?"
"Nagsasabi lang ako ma. Galit
