CASSANDRA
Gulong-gulo ang isip ko ngayon. Hindi ko alam kung tama bang isipin na gusto akong lasunin ni manang Chabita dahil bakit niya naman gagawin iyon? Anong mapapala niya kung sakaling magtagumpay siya sa kaniyang plano?
"Nay, Pa... Ano pong gagawin ko? Gusto ko na pong umuwi. Hindi man po kumakalam ang tiyan ko rito, gutom naman ang puso ko mula sa pangungulila sa inyo."
Hindi ko na napigilan pang tumangis. Matitiis ko pa kung pisikal na sakit at pagod lang ang madadama ko dahil sanay naman ako sa ganoon. Hindi ko pinasok ang pagiging barker, ang pangangalalakal at pagtitinda ng sigarilyo't kendi sa kalsada para lang sumuko sa trabaho ko rito. Kung tutuusin, magagaan lang naman ang pinagagawa sa akin, pero tama talaga ang kasabihan na 'Minsan, hindi ka susuko sa trabaho... susuko
