“I’m sorry, Axel…” dinig niyang sambit ni Nikki sa binata.
Kita niya ang pag-laglag ng balikat ni Axel sa balitang natanggap. Kakapasok lang nito dahil hinatid nito ang anak nila sa isang doctor. Hindi kasi ito tumigil din kakaiyak nang makita ang nangyari sa kan’ya. Saka lang din lumabas ang lagnat nito. Marahil, natuyuan nga.
Nagkunyari lang siyang tulog sa hospital bed niya. Ang totoo niyan, hindi niya kayang sabihin sa binata ang masamang balita. Sobrang sakit din sa parte niya, kaya, humingi siya ng tulong kay Nikki nang kompirmahin nitong nakunan siya. May nailabas siyang fetus. Sa tingin ni Nikki doon pa lang sa mansyon na pinanggalingan nila ay wala na ang anak niya. Buti hindi ito namatay sa loob ng tiyan niya. Delikado, dahil posibleng ikapahamak niya din iyon. Maraming lumaba
