"Misis, kung ako po sainyo, tumigil muna kayo magtrabaho para hindi na po maulit ang pagdurugong ito. Iwasan din po ang ma-stress ng sobra dahil nasa delikadong stage pa rin po tayo ng pagbubuntis..." Napatingin siya kay doktora habang nagsasalita.
Naalarma siya nang makita ang dugo sa panty liner niya, kaya, nagmadali siyang pumunta kanina sa barangay health health center. Wala pa siyang isang oras na nakahiga pagkahatid ni Dennis sa kan'ya, umihi siya at nakita nga niya iyon.
Sa kasamaang palad, sarado na ang health center. Kaya, napilitan siyang magpa-check-up sa isang clinic na malapit lang din sa kanila.
Nakahinga siya ng maluwag bago lumabas ng clinic na iyon. May bitbit din siyang maliit na plastic na may lamang gamot. Isinilid niya iyon kapagkuwan sa sling bag. Nilakad na lang n
