Napatigil si Helena sa pagsasalin ng mainit na tubig sa thermos nang tumunog ang telepono niya. Tinapunan niya ito ng tingin, unknown number kaya pinagpatuloy na lang niya ang pagsalin. Tumigil din naman kaagad iyon kaya hindi na niya pinansin ang telepono.
"Maupo ka na anak," nakangiting sabi niya dito. Papungas-pungas pa ito na yumakap sa binti niya.
"Kailan po ako dadalaw kay Granny, 'Nay?"
"Kapag wala ka na pasok, anak. Sa sabado gusto mo? Sunduin na lang kita ng linggo ng hapon."
"Ay, hindi ka po kasama?“ malungkot na tanong ni Lexxie sa kan’ya.
“Hindi na anak. Bonding niyo ng Granny mo 'yon, e. Saka, walang kasama si Lola mo dito."
Humaba ang nguso nito kaya kinurot niya ito sa pisngi at ginulo ang buhok nito.
"Next time na lang, anak. Okay?" Wala naman itong nagawa kundi an
