Inilibot ni Helena ang tingin sa malawak na condo ng binata nang makapasok sila. Nauna siya ng bahagya sa binata dahil ini-lock pa nito ang pinto.
Hindi talaga maikakaila na mayaman ang ama ng anak niya. Malinis ang interior, sakto lang din ang disenyo para sa katulad nitong lalaki. Moderno din ang living room nito, at kompleto sa gamit.
Hindi tuloy niya maisip kung anong lilinisin nila dito. Wala naman siyang makitang agiw o basurang nakakalat. Kahit nga sa center table wala siyang makitang alikabok, gawa iyon sa salamin.
"Feel at home, hon." Bumaling siya sa binata. Naghubad pala ito ng jacket nito. Lumapit ito sa kan'ya pagkatapos nitong maisampay sa sofa ang jacket nito. "Thirty minutes pa daw 'yong order ko. Okay lang ba?"
30 minutes lang pala, e. Ano pa iyong hinintay nila minsa
