Chapter 25
PAGOD NA pagod si Nikolai nang makabalik siya sa mansyon at nagsitigil din ang mga manggagawa na tapusin sa pag-aayos ang mga nasira. Pinagpahinga rin muna niya ang mga kasama niya sa paghahanap. Pakiramdam niya para siyang mababaliw na hanggang ngayon hindi pa rin nahahanap ang dalagang si Beatrice.
Nang makauwi rin siya nagpapahinga na rin ang mga tagapagsilbi sa mansyon ngunit nakita niyang gising pa si Cosette nang mapadaan siya sa dining area. Napakunot-noo siya at tuluyang pumasok sa loob. Nakaupo ito sa kanan ng mahabang lamesa at may mga takip ang mga pagkain.
“Kanina ka pa ba dyan, bakit hindi ka pa natutulog?”
Halata sa boses ang pagkapagod ni Nikolai ngunit hindi niya ‘yon ininda dahil mas nag-aalala siya kay Beatrice.
“Hinihintay kita…kanina pa,” sagot ni Cose
