Chapter 26
MAAGANG NAGISING si Nikolai at hindi na niya nakita pa si Cosette sa mansyon. Tanging tumambad sa kanya ang mga manggagawang nag-aasikaso sa pag-aayos ng mansyon. Hindi na muna siya pumasok sa kanyang trabaho para muling umpisahan ang kanilang paghahanap sa dalaga at hindi man lang siya nag-atubiling mag-almusal.
Nang makarating sila sa bayan, nakita niyang naghihintay na ang mga kawal ng mga Walton para sa pagtulong ng makita rin nilang dumaan ang karawahe ni Mr. Walton na huminto sa mismong tapat nila.
Napataas ang isang kilay niya lalo na nong dumungaw ang ulo nito sa maliit na bintana. Sumilay ang nakakainis na ngisi sa mukha nito.
“Magandang umaga sa ‘yo, binatang mahestrado.”
“Hindi maganda ang umaga dahil nasilayan kita Mr. New Jean,” sarkastikong wika ng binata.
“O
