Pagkapasok pa lang ng mamahaling bar ay kaagad na nakita ni Bernard si Nicolo, na mag-isang nakaupo sa dulo ng counter.
Tinawagan kasi siya ng kaibigan dahil kailangan daw nito ng kausap. Base sa boses nito kanina ay mukhang problemado. At sa nakikita ni Bernard na sunod-sunod na pagtungga nito ng alak, halatang may problema nga. Hindi na nagtaka si Bernard kung siya man ang unang tinawagan ni Nicolo. Hindi na kasi papayagan si Reuben ng asawa nito na mag-hang out ng late na. Si Dean naman na bestfriend ni Nicolo ay nasa Bacolod. Tutal naman ay close friend na rin sila ni Nicolo. Sa limang taon nitong pagbalik-balik sa Manila International Jail para dalawin at kausapin si Bernard, naging malapit na sila sa isa't isa.
Nagmamadaling nilapitan ni Bernard si Nicolo. Tinapik niya ito sa balik
