Nagkakape sa garden sina Clara at Bernard nang may sunod-sunod na nag-doorbell. Nagmamadali naman itong pinagbuksan ni Mang Melchor.
"Nasaan si Boss B, Mang Melchor?" narinig nilang boses ng isa sa mga tanod ni Kapitan Mais na si Ipyong. "May sasabihin sana akong importante."
Nang marinig ang sinabi ni Ipyong, kaagad na tumayo si Bernard para salubungin si Ipyong. Sumunod naman sa kaniya si Clara.
"Bakit, Ipyong? Anong problema?" tanong 'agad ni Bernard nang matanaw nito ang tanod.
"Good morning, Boss B. Good morning, Clara," bati sa kanila ng trenta anyos na tanod. "Nagkakagulo ho kasi ngayon sa barangay. Halos lahat ay nagrereklamo. Nawawala raw ang bawat panty na isinasampay nila."
Muntikan nang matawa sina Bernard at Clara. "Panty lang ang nawawala?"
"Opo, Boss B. Iyon ang sabi
