One year later...
Napahinto sa pagsusuklay si Clara kay Makisig nang marinig ang sunod-sunod na putok ng baril sa labas ng bahay nila. Nang marinig ang sigaw ni Marikit ay dali-daling kinarga ni Clara si Makisig palabas ng kuwarto.
"Anong nangyayari, Pareng C? Nasaan si Marikit?!" malakas na tanong ni Clara kay C nang maabutan niya itong nagmamadaling palabas ng bahay. "Saan si Marikit?"
"Pumasok na kayo sa kuwarto, mare, kami na ang bahala kay Marikit," pagtataboy sa kaniya ni C.
Sasagot pa sana si Clara nang maya maya'y nakita niya ang magpipitong taong gulang na si Marikit. Umiiyak ito at tumitili habang kalong-kalong ni E. Kasunod ng mga ito si Erin na nakabihis at kilos pambabae na.
"Nanay! Nanay! May bad guys po ulit!" umiiyak na sumbong ni Marikit nang dalhin ito sa kaniya ni
