Sobrang bigat ng katawan ni Clara ng umagang iyon. Parang ayaw niyang bumangon. Pero narinig niya ang pag-iyak ni Baby Makisig kaya napilitan siyang tumayo mula sa pagkakahiga.
Humapdi ang mga mata ni Clara nang idilat niya ang mga iyon. May mga mutang malalagkit siyang naramdaman na parang ayaw matanggal. Ramdam din ni Clara ang tila pamamaga ng kaniyang mga mata. Siguradong dulot iyon nang walang tigil niyang pag-iyak kagabi.
Ang totoo niyan, sa loob ng isang buwan na nawala si Bernard, walang tigil ang pag-iyak ni Clara. Pilit na pilit na niya ang sarili na huwag umiyak sa harapan ni Marikit. Ang anak nila na halos araw-araw yatang nagtatanong kung kailan daw uuwi ang tatay nito.
Pagkatapos kalungin ang anak ay kinuha ni Clara ang picture nila ni Bernard na nakaipit sa unan niya. Gab
