"Nandito na ba lahat ng lumang toys mo, anak?" tanong ni Clara kay Marikit habang tinitingnan ang mga laman ng box.
Ang box na iyon ay naglalaman ng mga pinaglumaan nilang gamit. Dadalhin nila iyon sa simbahan, na pinapamigay naman sa mga kapus-palad. May apat na taon na rin itong ginagawa ni Clara. Bukod dito, monthly din siyang nagbibigay ng cash donations sa simbahan. Hindi lang sa simbahan nagbibigay ng tulong si Clara kundi pati na rin sa mga ka-barangay niya sa Quiapo. Buwan-buwan din siyang nagbibigay ng mga groceries sa mga pamilyang sa tingin niya ay nangangailangan ng suporta.
Kasama na roon ang pamilya nina Aarah at Erin, pati na rin ng iba pa nilang mga kaibigan. Iyon lang ang tulong ni Clara na tinatanggap ng tropa niya. Ayaw na ayaw ng mga ito na magbigay siya ng pera. Oo,
