Napatili si Clara nang pagpasok niya ng kuwarto nila ni Bernard ay ginulat siya nito. Nagtago pala ito sa likod ng pintuan. Kaagad siyang niyakap ng boyfriend at isinandal sa pintuan.
Dahil nga maghapon nilang kasama si Marikit sa kuwarto nito at nag-bonding silang tatlo, kaya isinantabi muna ni Clara ang paghihinampo niya sa nobyo. Alam ng dalaga may agam-agam pa rin sa puso niya. Pero para sa pamilya at sa pagmamahal niya kay Bernard, handa siyang bigyan ito ng second chance na pagkatiwalaang muli.
"Bakit ka ba nanggugulat?" kunwa'y naiinis na saad ni Clara. "Hindi porke't pinapansin na kita ay totally okay na tayo, ha. May tampo pa rin ako sa'yo."
"I know, labs," nangingislap ang mga mata ngunit seryoso ang mukhang sagot ni Bernard. "At hindi ako magsasawang suyuin ka para mapatawad
