Masakit ang ulo ni Bernard nang magising siya. Sa kabila ng pagkirot ng ulo ay nagawa pa rin ng binata na alalahanin ang nangyari.
Napakislot si Bernard nang maalala ang kaniyang mag-ina. Pero nagulat siya nang malamang nakatali ng lubid ang buong katawan niya. Maging ang kaniyang paa't kamay ay nakatali rin.
"f**k!" pagmumura ni Bernard habang paulit-ulit na nagpupumiglas.
Kung sino man ang may kagagawan nito, siguradong kilalang-kilala si Bernard. Alam nitong kaya niyang tanggalin ang tali sa katawan kung malaya ang mga kamay niya. Alam na alam ng gumawa nito kay Bernard na well skilled niya. Malaking lubid din ang pinantali sa kaniya. Talagang siniguradong hindi iyon kayang pigtasin nang malakas niyang katawan.
"Damn it," parang nawawalan na ng pag-asang saad ng binata. Humahapdi n
