"Labs! Tatay!" walang kapantay na kasiyahan sa mukha na hiyaw nina Clara at Marikit ng makita siya ng mga ito. "'Buti po tatay nahanap mo kami. Takot na takot po ako sa bad guys. Ang dami nila," umiiyak na dagdag pa ni Marikit.
Habang awang-awa naman si Bernard sa mag-ina niya na parehong nakagapos ang mga kamay at paa. Kung hindi lang siya binigyan ni Diego nang malaking pabor, parang gusto niya itong balikan at bugbugin dahil sa ginawang pagpapahirap sa mag-ina niya.
"Tahan na, baby, ha. Sabi ko naman sa'yo, 'di ba? Mahahanap at matutulungan din tayo ni tatay," pang-aalo ni Clara sa anak. "Nag-pray tayo kay Jesus, 'di ba?"
"Yes, baby. Stop crying, okay?" pagpapakalma din ni Bernard kay Marikit. Ito ang una niyang kinalasan. At kaagad niyang niyakap nang matanggal ang tali. "Hinding-hi
