Kanina pa naghihintay sina Clara at Aarah sa visitor's area ng city jail na pinagkakakulungan nina Bernard. Ang sabi ng warden, ayaw daw humarap sa kaniya ng binata. Pati na rin sina A at apat pang mga kaibigan, na napag-alaman nina Clara na kasama ni Bernard na sumuko, ay ayaw ring makipag-usap sa kanila.
"Tara na, bes," tila naiinip ng yaya sa kaniya ni Aarah. "Baka hindi pa sila handang humarap sa'tin. Lalo na si Bernard."
Hindi umimik si Clara. Hanggang ngayon ay masama pa rin ang loob niya kay Aarah. Kahapon lang kasi nito inamin sa kaniya ang lahat. Nagtatampo si Clara dahil alam pala ni Aarah na uuwi sila ng Pilipinas sa mismong araw na 'yon pero hindi nito sinabi. Nakapagpaalam pa sana siya nang maayos kay Bernard. O baka napigilan sana niya itong sumuko.
At ang isa pang ikinak
